O albergue rural O Cantu está situado en Colombres
(Asturias), na confluencia das comunidades de Asturias e Cantabria. Pola súa
situación estratéxica, na desembocadura do río Cares- Deva e ao pé dos Picos de
Europa, permítenos realizar tanto actividades de media montaña e descenso de
ríos como nas costas do Mar Cantábrico. Foi totalmente restaurado no ano 2008.
A restauración dun casarón de indianos, construción cos seus edificios de
servizo (caballerizas e casa do caseiro) dentro dunha leira pechada e
axardinada de 2.500 m²., permitiunos obter 140 prazas en aloxamento
especialmente deseñado para grupos con habitacións para seis, oito e dez
persoas, en liteiras, con todos os servizos: cociña, camas completamente
vestidas, auga quente, calefacción, zona axardinada para xogos, locais para
talleres, etc.
A casa dos caseiros rehabilitouse para distribuíla en oito
habitacións dobres con baño; amobladas e decoradas ao estilo da época de
construción, mantendo todo o encanto daqueles anos de esplendor.
SITUACIÓN
O albergue rural O Cantu está situado no pobo de Colombres,
capital do Concello de Ribadedeva, no Principado de Asturias. É o Concello máis
oriental da comunidade, limitando co Concello de Val de San Vicente (Cantabria)
pola súa franxa este; ao norte limita co Mar Cantábrico proporcionándonos zonas
de gran beleza, ao oeste limita con Llanes e ao sur con Peñamellera Baja.
HISTORIA
Existen vestixios nas Covas do Pindal que este territorio
estivo habitado polo home no período Magdaleniense do Paleolítico Superior, con
gran número de representacións de animais. Existen representacións do medievo
situadas en Pimiango, Noriega e Villanueva. A súa capital, Colombres, sábese
que estaba fundada no século XVI, polo que o emperador Carlos I, na súa
arribada a Asturias, descansou nesta capital. No ano 1.834, Ribadedeva foi
segregada do territorio cántabro e agregada ao asturiano.
A poboación aproximada de todo o concello é de 2.000
habitantes, con importantes núcleos de poboación aos seus arredores: Unquera a
1.5 Km., Llanes a 20 km., San Vicente de la Barquera a 12 Km., Santillana del
Mar a 45 Km., Potes e Picos de Europa a 45 Km., Covadonga e Lagos a 60 Km. O principal río da zona é o Deva que serve de
límite con Cantabria. A 3.5 Km. Do albergue atópase a praia da Franca, aínda
que nun diámetro de 20 Km. hai máis de quince.
En Colombres atópase o Arquivo de Indianos, construción de
estilo colonial de finais do século XIX, que alberga documentación da
inmigración sufrida nos últimos 150 anos dos españois a terras americanas .
Entre as súas instalacións, atopamos a casa principal, unha
antiga casa de indianos, reformada recentemente, con 6 habitacións dispostas a
albergar a 70 persoas. Así mesmo, dispón
de dous comedores, cunha capacidade total de 103 persoas. Xunto ao edificio
principal atópanse as antigas caballerizas. Este edificio de dúas plantas ten 8
habitacións e catro baños, preparados para aloxar 60 persoas.
No Albergue o Cantu dispoñen tamén dun edificio que fué a
antiga casa dos caseiros.Todas as habitacións son dobres e contan con baño
completo.
No hay comentarios:
Publicar un comentario